Hakerët shqiptarë të internetit u janë përgjigjur atyre serbë duke thyer faqen e Ministrisë së Energjisë dhe Minierave të Serbisë (http://www.mem.sr.gov.yu/), në të cilën janë publikuar flamuj shqiptarë dhe mbishkrimi “Shtetet e Bashkuara të Shqipërisë”.
Me të klikuar në faqen e kësaj ministrie, shfaqet edhe stema e grupit të hakerëve shqiptarë sipas të cilëve revanshi vjen pas thyerjes së faqes së ministrisë së energjisë së Kosovës, një ditë më herët.
Lufta në internet e shqiptarëve dhe serbëve ka nisur që pas shpalljes së pavarësisë së Kosovës, ku zakonisht sulmohen faqet zyrtare të institucioneve të të dyja shteteve.
Kohë më parë ishte thyer edhe webfaqja e presidentit të Serbisë, Boris Tadiq dhe të disa institucioneve të tjera në Serbi.