Portieri shkupjan Nuredin Bakiu (19 janar 1982) është portier i ri i skuadrës së divizionit të dytë të futbollit suedez, Jönköping Södra. Ai është bashkuar me këtë klub pas përfundimit të sezonit futbollistik nga IFK Norrköping, duke nënshkruar kontratë 2 vjeçare me mundësi vazhdimi edhe për një vit tjetër. “Nura” siç e thërrasin ndryshe ka ardhur për pushime në vendlindjen e tij në Shkup dhe një bisedë për “Lajm” ka treguar arsyet e transferimit në mjedisin e ri. “Mendoj se arsye kryesore që ndërrova klubin kanë qenë ambiciet e drejtuesve të Jönköpingut. Ata më kanë premtuar se nga sezoni i ardhshëm do të luftojmë për ty kthyer në elitën e futbollit suedez. Janë një nga klubet më serioze në kategorinë e dytë dhe së bashku me Asyriskën do të jenë kandidatët më të mëdhenj për të fituar titullin e kampionit. Jönköpingu është një klub që punon në plane afatgjate dhe unë shpresoj se në këto dy tre vitet e ardhshme do të arrijmë të renditemi në ligën e parë suedeze”, është shprehur Bakiu, i cili për tre vite rresht ka mbrojtur ngjyrat e IFK Norrköping. Ai bërë të ditur se kampionati i ri në ligën e dytë të Suedisë pritet të filloj në muajin prill të vitit 2010.
Skeda:
Emri: Nuredin
Mbiemri: Bakiu
Vjeç: 28
Pozicioni: Portier
Gjatësia: 193 cm
Pesha: 86
Klubi i ri: J-Södra: 2009
Klubi i parë: IFK Värnamo
Klubet tjera: Nybro IF, IFK Norrköping